ស្រូវពេជ្រ 120SC ជាថ្នាំសម្លាប់សត្វល្អិតដ៏ល្អបំផុតផ្សំពីធាតុសកម្មពីរប្រភេទគឺ Emamectin Benzoate និង Chloranitraniliprole ហើយមានមុខងារសំខាន់ៗ៣គឺ បង្ការមិនឱ្យមានដង្កូវមកបំផ្លាញដំណាំស្រូវ ឈើហូបផ្លែ និងបន្លែ។ ថ្នាំមានប្រសិទ្ធភាពការពារដំណាំបានយូរចន្លោះពី ១៥ ទៅ ២៥ ថ្ងៃ ព្រមទាំងអាចសម្លាប់ដង្កូវក្នុងរយៈពេល ១ ទៅ ៣ ថ្ងៃ ក្រោយពេលបាញ់ថ្នាំរួច។

ហេប៊ី 300WP ជាថ្នាំកម្ចាត់ស្មៅមានលក្ខណៈជម្រើស ដោយប៉ះផ្ទាល់និងស្រូប ឬជ្រាបចូលទៅក្នុងដើមស្មៅនិងកក់ តាមស្លឹករហូតដល់ឫស។ សារធាតុ Bensulfuron methyl ដែលបានបន្ថែមពីលើសារធាតុ Bispyribac sodium ដែលមានស្រាប់ ធ្វើឱ្យថ្នាំកាន់តែមានប្រសិទ្ធភាពខ្ពស់ជាងមុនក្នុងការកម្ចាត់ស្មៅក្រោយពេលដុះពន្លកដូចជា ស្មៅបែកក្បាល ស្មៅគេរលក ស្មៅស្រង៉ែ ស្មៅកន្ទុយក្ងោក ស្មៅផ្កាស កក់ភ្នែកក្តាម កក់ឆ័ត្រ កក់ជ្រុង ជន្ទល់ភ្នំ កាជីព…។

ហេស្រូវ 25 ជាថ្នាំកម្ចាត់ស្មៅបែកក្បាលមានលក្ខណៈជម្រាប ប្រើដើម្បីសម្លាប់ពពួកស្មៅបែកក្បាលនៅក្នុងដំណាំស្រូវ។ ធាតុសកម្ម Metamifop និង Cyhalofop-butyl មានប្រសិទ្ធភាពខ្លាំង និងសុវត្ថិភាពក្នុងការកម្ចាត់ស្មៅក្នុងស្រែ។

ហេស្រូវ២​ ជាថ្នាំមានលក្ខណះជំរើស ដោយប៉ះពាល់ផ្ទាល់ស្រូបឬជ្រាបចូលក្នុងគ្រាប់ស្មៅ និងពន្លកស្មៅរហូតដល់ឬស។​ ប្រើកំចាត់ឬបង្អាក់​ ដល់ដំណើរការលូតលាស់ពន្លក(ស្លឹក)របស់គ្រាប់ស្មៅ​ និងធ្វើអោយស្មៅងាប់ឆាប់ពីដំបូងបន្ទាប់ពីពង្រួសពូជស្រូវបាន២ថ្ងៃ ទៅ៤ថ្ងៃ​ និងជាពិសេសធ្វើអោយស្រូវលូតលាស់ល្អ។